踏入三月天氣開始回暖，除咗衫褲鞋襪要換季，香水都一樣要換季㗎。秋冬氣溫較低，加上天氣乾燥，香味揮發得比較快，適合噴啲稍為濃厚嘅香水。相反春夏天氣潮濕悶熱，香味揮發得比較慢，太濃烈嘅香水會變得刺鼻，所以應該揀返啲比較清淡嘅香水，例如係 Jo Malone 嘅 Wild Bluebell 藍風鈴或者 English Pear & Freesia 英國梨與小蒼蘭。
英國百貨公司 Selfridges 各款 Jo Malone 香水定價都比香港門市平一大截，細支裝 (30ml) 喺佢哋網站只係賣緊 HK$400，而大支裝 (100ml) 都只係賣緊 HK$800，相等於門市價錢 66 折。直送香港單次運費 HK$260，或者可以選擇參加 Selfridges+ Global 計劃，一年內任寄都只係 HK$420 咋。快啲搵多幾個姊妹一齊落單，除返開運費就自然再平啲啦。
購買網址： Jo Malone London
