意大利街頭服飾品牌 Off-White 同德國行李箱品牌 RIMOWA 聯手推出嘅 See Through 透明行李箱以 RIMOWA Essential 系列作為藍本，採用 Flex-Divider 活動式隔板設計，隔板前後分別印咗 Off-White 最經典嘅斑馬條紋同交叉十字箭頭圖案。至於配件方面，行李箱附設一塊 Off-White 特製嘅行李牌、一條工業風行李帶同一套棉質收納袋。呢款行李箱香港售價 HK$12,300，而喺加拿大網站 SSENSE 只係賣緊 HK$10,700，相等於 88 折。喺網站買滿 HK$1,000 就可以免運費直送香港。
