日本京商 Kyosho 最近推出咗 Mini-Z 入門版 First Mini-Z 系列遙控車，首批車款有頭文字 D 三部主角車，包括藤原拓海嘅 AE86、高橋涼介嘅 RX-7 FC3S 同埋高橋啓介嘅 RX-7 FD3S。遙控車採用 1 比 28 設計，車殼造工十分精緻，車身上嘅標誌甚至車牌號碼都同漫畫一模一樣，還原度十足，非常值得收藏。雖然呢款入門級遙控車做唔到飄移，改裝空間亦都比一般 Mini-Z 細，但勝在價錢親民，三款遙控車同樣定價 JPY4,980 (HK$347)，已經喺日本 Amazon 開始有得賣。
購買網址： Kyosho First Mini-Z
