美國耳機品牌 Jaybird 最近推出嘅 Jaybird Run 無線藍牙耳機專為運動愛好者而設，輕巧嘅設計配合專用矽膠耳塞同耳翼能夠確保耳機喺任何情況都穩固貼耳。機身表面經過 Nano Coating 雙層納米疏水塗層處理，有效防止汗水滲入耳機而造成侵蝕，大大提升耐用性。雖然每邊耳機只係重 6.8 克，但內置電池已經足夠連續播放 4 個鐘，專用充電盒可以為一對耳機再完整充電 2 次，總續航力長達 12 個鐘。呢款耳機香港定價 HK$1,699，而喺 Amazon 折咗只係 USD139.99 (HK$1,099)，直送香港運費 USD6.18 (HK$49)。