冷萃 (Cold Brew) 咖啡利用低溫浸泡嘅方式萃取咖啡，能夠將咖啡豆最原始嘅香氣同味道完全釋放。由於萃取過程無經過加熱，所以冷萃咖啡比傳統咖啡口感更加順滑，亦都少咗份酸味同苦澀味，難怪近年受世界各地嘅咖啡愛好者追捧，就連 Starbucks 都將佢列入 Regular Menu。
美國廚具品牌 KitchenAid 最近推出咗部 Cold Brew Coffee Maker 冷萃咖啡機，用法非常簡單，只要將磨好咗嘅咖啡粉放入濾芯，再加入室溫水，放喺雪櫃等 12 – 24 個鐘就飲得，有咗佢喺屋企都可以輕易做到 Cold Brew 啦！呢部冷萃咖啡機喺美國 Amazon 做緊特價，原價 USD129.99 (HK$1,020.42)，直送香港連運費都只係 USD81.34 (HK$638.52) 咋。