唔少人喺 Spotify 都有一張屬於自己嘅 Workout Playlist 做運動時拎嚟解悶或者激勵自已，但係而家啲電話愈出愈大部，要拎住做運動真係好唔方便㗎。早前喺眾籌網站 Kickstarter 成功集資推出市場嘅 Mighty Audio Spotify Music Player 就可以完美解決呢個問題啦。呢部 Player 外型十足十 Apple 嘅 iPod Shuffle，最大嘅特點就係可以將 Spotify Premium 上面嘅 Playlist 直接下載到 Player 入面離線收聽。內置 Wifi 同藍牙功能，透過專用 iOS 或者 Android App 就可以無線進行同步。除咗傳統嘅 3.5mm 耳機，仲支援連接藍牙耳機添。呢部 Mighty Audio Spotify Music Player 喺美國 Amazon 賣緊 USD85.99 (HK$675.02)，直送香港運費都係 USD5.39 (HK$42.31)。
